दोहा : गैरआवासीय नेपाली संघ (एनआरएनए) राष्ट्रिय समन्वय परिषद कतारको आगामी (२०२३- २०२५ ) को कार्यकालको सह-कोषाध्यक्षमा झबिन्द्र आचार्य बिजयी भएका छ्न ।
सह-कोषाध्यक्षका प्रतिद्धन्दि पदम बहादुर रानाभाटलाई ९सय ९२ मतले पराजित गर्दै आचार्य निर्बाचित भएका हुन । आचार्यले ३ हजार २ सय ९६ मत ल्याउँदा भाटले २ हजार ३ सय ४ मत पाएका थिए ।
सामाजिक क्षेत्रमा क्रियाशील रहँदै आएका सामाजिक अभियन्ता आचार्य बिभिन्न सामाजिक संस्थामा आवद्द छन् ।गुल्मी जिल्लाको मालिका गाउँपालिका वडा नं ५ छापा हिलेमा जन्मेका आचार्यले कतारमा आफ्नो व्यवसाय गर्दै आएका छन् भने बचेको समयलाई समाज सेवामा समर्पित गर्दै आएका छन् ।
मध्यपूर्वमा सम्पूर्ण नेपालीहरुको आवाजलाई उठाउन तथा क्रमिक रुपमा अगाडि बढ्नु पर्छ भन्ने महसुस गरेर आफू समाज सेवामा अगाडी बढेको बताए ।
लामो समयदेखि समाज सेवामा लागेका आचार्य गुल्मी सेवा समाज कतारका पुर्व अध्यक्ष समेत हुन । आचार्य कतारमा गुल्मी यातायातको नामबाट पनि परिचित छन् ।
उनले कतारमा कार्यरत नेपाली श्रमिकहरुको अभिभाकत्व निभाइरहेको साझा संस्थामा रहेर नेपाली श्रमिकका हक, हितका लागि आगामी दिनहरुमा काम गर्ने बताएका छ्न ।
साथै गैरआवासीय नेपाली संघका विभिन्न अभियानलाई पुर्णता दिन, थप उर्जा प्रदान गर्न र पछिल्लो चरणामा संघमा देखिएको बिबादास्पद कोषलाई समाधान तथा मजबुत बनाउनको लागि पनि आफूले भुमिका खेल्ने जनाएकाछन ।