देशका हिमाली तथा पहाडी भूभागमा आज आंशिक बादल लाग्ने र तराई क्षेत्रमा मौसम मुख्यतया सफा रहने मौसम पूर्वानुमान महाशाखाले जनाएको छ। महाशाखाका अनुसार कोशी, बागमती र गण्डकी प्रदेशका हिमाली भूभागका एक-दुई स्थानमा मेघगर्जन तथा चट्याङसहित हल्का वर्षा वा हिमपात हुन सक्ने सम्भावना छ।
आज रातिको पूर्वानुमानअनुसार पनि कोशी, बागमती र गण्डकी प्रदेशका हिमाली र पहाडी भूभागमा आंशिक बादल लाग्नेछ। देशका बाँकी हिमाली तथा पहाडी भूभागमा भने मौसम मुख्यतया सफा रहने महाशाखाले जनाएको छ।
तराईका भूभागमा बिहानपख केही स्थानमा हुस्सु वा कुहिरो लाग्ने महाशाखाको भनाइ छ। हिमाली भूभागका एक-दुई स्थानमा हल्का वर्षा र हिमपातको सम्भावना रहेकाले त्यस क्षेत्रको मौसम अवस्थालाई ध्यान दिनुपर्ने महाशाखाले जनाएको छ।
