काठमाडौँ — महाकवि लक्ष्मीप्रसाद देवकोटाका सात पाण्डुलिपि अझै अप्रकाशित रहेको विषयले नेपाली साहित्यिक वृत्तमा चासो पाएको छ। वि.सं. २०१६ सालमा शरीर त्यागेका देवकोटाका सिर्जनाले आज पनि नेपाली साहित्यलाई आलोकित गरिरहेका छन्, तर उनका केही कृति भने प्रकाशनको प्रतीक्षामा रहेका छन्।
नेपाली साहित्यमा देवकोटाको नाम कुनै एक कालखण्ड वा पुस्ताको सीमाभित्र बाँध्योइँदैन। उनका सिर्जनामाथि दर्जनौं विद्यावारिधि भइसकेका छन् र उनका कृति तथा व्यक्तित्वमाथि अनुसन्धानको क्रम जारी छ। यति हुँदाहुँदै पनि महाकविका सात पाण्डुलिपि प्रकाशित हुन नसक्नु महाकविको सिर्जनात्मक योगदानको एउटा अपरिचित पाटोका रूपमा उल्लेख भइरहेको छ।
महाकविको साहित्यिक विरासत र ओझेलमा परेका सिर्जनाबारे सहकर्मी कृपाल गौतमले तयार पारेको रिपोर्टमा यी विषय समेटिएका छन्। रिपोर्टमा देवकोटाका अप्रकाशित सामग्री, तिनको अवस्था र साहित्यिक महत्त्वबारे चर्चा गरिएको छ।
देवकोटा नेपाली साहित्यका त्यस्ता स्रष्टामध्ये पर्छन्, जसका कृतिमाथि पटक-पटक अध्ययन र शोध भइरहेका छन्। यही क्रममा उनका अझै नछापिएका पाण्डुलिपिबारे खोजी र संरक्षणको आवश्यकतामा पनि ध्यानाकर्षण भएको छ।
