सरकारभित्र र सरकारबाहिर दुवैतिर राष्ट्रिय स्वतन्त्र पार्टीमा फरक–फरक आवाज सुनिन थालेका छन्। सरकारले कुनै कदम चाल्नेबित्तिकै पार्टीले विरोध जनाउँदै विज्ञप्ति सार्वजनिक गर्ने क्रम बढ्दै गएपछि यो असहजता झनै देखिन थालेको छ।
प्रधानमन्त्री वालेन्द्र शाह र पार्टी सभापति रवि लामिछानेबीच भेटघाट नहुने होइन, छलफल पनि हुन्छ। तर निर्णयमा होस् वा अभिव्यक्तिमा, दुवैतर्फ एकरूपता भने भेटिँदैन। यही असमझदारीका कारण सरकार र सत्तारुढ दलबीचको दूरी क्रमशः बढ्दै गएको देखिन्छ।
पछिल्लो प्रस्ट उदाहरण प्रहरी महानिरीक्षक फेर्ने विषयमा देखियो। सोही दिन दिउँसो सरकारका प्रवक्ताले एउटा भनाइ राखे भने साँझ पार्टीका प्रवक्ताले त्यसभन्दा फरक भनाइ सार्वजनिक गरे। एउटै विषयमा सरकार र दलका प्रवक्ताबीच फरक धारणा आउनुले सत्ता साझेदार पक्षहरूबीचको समन्वय कमजोर बन्दै गएको संकेत गर्छ।
बढ्दो दूरीको प्रश्न
सरकार र सत्तारुढ दलबीचको यो दूरी यसैगरी बढ्दै जाने हो भने यसले कतिसम्मको संकट निम्त्याउला भन्ने प्रश्न अहिले उठ्न थालेको छ। यही प्रश्नको पृष्ठभूमिमा विगतमा सरकार नै ढल्नेसम्मका राजनीतिक घटना भएका थिए भन्नेतर्फ पनि ध्यान जान्छ। ती घटना कहिले भएका थिए र कस्ता थिए भन्ने विषय इतिहासका कठिन राजनीतिक मोडहरूको विश्लेषणसँग जोडिएर हेरिएको छ।
यिनै विषयमा केन्द्रित रहेर प्रकाश बमले रिपोर्टिङ गरेका छन्, जसमा सरकार र सत्तारुढ दलबीचको तानातानीले पुर्याउन सक्ने असर र विगतका राजनीतिक मोडहरूको समीक्षा समेटिएको छ।
