दुर्घटनाको विवरण
डडेल्धुराको अमरगढी नगरपालिका–७ खसरेखानमा बिहान भएको जिप दुर्घटनामा दुई जनाको मृत्यु भएको छ। मृत्यु हुनेमा दार्चुलाको अपिहिमाल गाउँपालिका–१ का २५ वर्षीय शुभम लोथ्याल र सोही ठाउँका २० वर्षीय हुम लोथ्याल रहेको जिल्ला प्रहरी कार्यालय डडेल्धुराका प्रमुख बरुणबहादुर सिंहले जानकारी दिए।
धनगढीदेखि दार्चुला जाँदै गरेको सु.प्र. ०१००१ ज १८५० नम्बरको बोलेरो जिप करिब पाँच सय मिटर तल खसेको थियो। दुर्घटनामा तीन जना घाइते भएका छन्। उनीहरूको डडेल्धुरा अस्पतालमा उपचार भइरहेको प्रहरीले बताएको छ।
