रसुवाको भोटेकोशीमा आएको विनाशकारी बाढीपछि माथिल्लो त्रिशूली जलविद्युत् आयोजनाको सुरुङभित्र फसेका ३५० जनालाई नेपाली सेनाले उद्धार गरेको छ।
बाढीका कारण सुरुङभित्र मानिस फसेको समाचारले चौतर्फी चिन्ता बढाएको थियो। तर, चुनौतीपूर्ण उद्धार अभियानपछि उनीहरूलाई सुरक्षित बाहिर निकालिएको प्रधानमन्त्रीको सचिवालयले जनाएको छ।
सेनाको अनुमानअनुसार सोही सुरुङभित्र अझै १०० भन्दा बढी मानिस फसेका छन्। उनीहरूको उद्धारका लागि काम भइरहेको छ।
यसै क्रममा नेपाली सेनाले बिहीबार मात्रै रसुवाका विभिन्न प्रभावित क्षेत्रबाट कुल ८८३ जना स्थानीय तथा मजदुरको उद्धार गरेको प्रधानमन्त्रीको सचिवालयले जानकारी दिएको छ।
