१२ भदौ, काठमाडौं । भोटेकोशी नदीमा आएको बाढीमा परी घाइते भएका व्यक्तिहरूको उपचार त्रिवि शिक्षण अस्पताल, महाराजगञ्जमा भइरहेको छ । अस्पतालमा उपचारका लागि भर्ना भएका घाइतेको सङ्ख्या ४८ पुगेको छ ।
अस्पतालले सार्वजनिक गरेको पछिल्लो विवरणअनुसार शुक्रबार दिउँसो ४ बजेसम्म बाढी प्रभावित ४८ जनामध्ये २७ जनाको उपचार जारी छ । उपचारपछि २१ जना डिस्चार्ज भइसकेका छन् भने एक जनाको मृत्यु भएको छ ।
हाल उपचाररत बिरामीमध्ये ६ जना आईसीयूमा छन् । एक जनाको भने भेन्टिलेटरमा उपचार भइरहेको अस्पतालले जनाएको छ ।
अस्पतालमा अहिले ५ वर्षको बालकदेखि ५० वर्ष उमेर समूहका घाइते उपचाररत रहेको बताइएको छ ।
