१३ भदौ, काठमाडौं । रसुवामा गएको बाढीका कारण ज्यान गुमाउनेको सङ्ख्या बढेर ६२६ पुगेको छ। नेपाल प्रहरीले शनिबार दिउँसो २:५० बजेसम्मको विवरण सार्वजनिक गर्दै यो जानकारी दिएको हो।
प्रहरीका अनुसार बाढीका शव आठ जिल्लामा फेला परेका छन्। सबैभन्दा धेरै शव चितवनमा २३३ र नवलपरासी पूर्वमा १५८ जनाका भेटिएका छन्। त्यस्तै गोरखामा ५४, धादिङमा ४९, नवलपरासी पश्चिममा ४७, नुवाकोटमा ४१, तनहुँमा ३१ र रसुवामा १३ शव फेला परेको प्रहरीले जनाएको छ।
जिल्लागत रूपमा शव भेटिएको विवरण यस्तो छ :
रसुवा : १३
धादिङ : ४९
गोरखा : ५४
नवलपरासी पूर्व : १५८
चितवन : २३३
नुवाकोट : ४१
तनहुँ : ३१
नवलपरासी पश्चिम : ४७
त्यस्तै, बाढी प्रभावित क्षेत्रबाट शनिबार दिउँसोसम्म दुई हजार ३०१ जनाको उद्धार गरिएको छ। नेपाल प्रहरीका अनुसार रसुवाबाट ६७६ जना, नुवाकोटबाट एक हजार ६२२ जना र धादिङबाट तीन जनालाई उद्धार गरिएको हो।
काठमाडौं उपत्यकाका विभिन्न अस्पतालमा उपचार गराएर घर फर्किएका घाइतेको सङ्ख्या १४० रहेको प्रहरीले जनाएको छ।
