अर्जेन्टिनाका कप्तान लियोनल मेसीले विश्वकप २०२६ को फाइनलमा पराजय भोग्नु परे पनि आफूले राम्रो महसुस गर्न चाहेको बताएका छन् । खेलपछि प्रतिक्रिया दिँदै उनले मैदानमा आफ्नो अनुभव मिश्रित रहेको उल्लेख गरे । ‘मैदानमा मेरो अनुभव मिश्रित रह्यो, राम्रो पनि, नराम्रो पनि । म राम्रो महसुस गर्न चाहन्छु,’ उनले भने ।
सन् २०२२ मा मेसीकै नेतृत्वमा अर्जेन्टिनाले कतारमा विश्वकप उपाधि जितेको थियो । तर यसपटक सोही सफलता दोहोर्याउन भने सकेन । यसबीचमा मेसीले सन् २०२१ र २०२४ को कोपा अमेरिका उपाधि पनि जितेका थिए । यो फाइनल मेसीको अन्तिम विश्वकप खेल हुन सक्ने अनुमान गरिएको छ ।
अर्जेन्टिनाका प्रशिक्षक लियोनल स्कालोनीले फाइनलमा पराजित भए पनि टोलीको यात्रा सम्झनलायक रहेको बताए । ‘हामी पक्कै पनि पराजित भयौं, यो तथ्य स्वीकार्नै पर्छ । तर हामीले केही पनि गर्न सकेनौं भन्ने होइन, हाम्रा खेलाडीले सक्दो राम्रो गर्ने प्रयास गरेका थिए,’ उनले भने ।