फ्रान्सको प्रमुख पे-टिभी कम्पनी कानाल प्लसले फ्रान्सेली चलचित्र संगठनहरूसँग पाँच वर्षे सम्झौता गरेको छ। यस सम्झौताअनुसार कम्पनीले सन् २०२८ देखि २०३२ सम्म फ्रान्सेली तथा युरोपेली चलचित्र निर्माणमा करिब १ अर्ब युरो (१.१ अर्ब डलर) लगानी गर्नेछ।
कानाल प्लसका अध्यक्ष तथा प्रमुख कार्यकारी अधिकृत म्याक्सिम सादाले सामाजिक सञ्जाल एक्समा एक पोस्ट मार्फत यो सम्झौताको घोषणा गरेका हुन्। उनले यस सम्झौतालाई 'ऐतिहासिक' बताउँदै यसले फ्रान्सेली तथा युरोपेली चलचित्र क्षेत्रमा कानाल प्लसको स्थानलाई पुनः मजबुत बनाएको उल्लेख गरे।
सम्झौता फ्रान्सेली चलचित्रको विकासका लागि कोशेढुङ्गा सावित हुने विश्वास गरिएको छ। यसले स्थानीय तथा युरोपेली चलचित्र निर्मातालाई ठूलो रकम उपलब्ध गराउनेछ र उद्योगलाई थप प्रतिस्पर्धी बनाउन मद्दत गर्नेछ। कानाल प्लसले यसअघि पनि फ्रान्सेली चलचित्र क्षेत्रमा महत्त्वपूर्ण लगानी गरेको थियो।