नेपाली कांग्रेसको १५औँ महाधिवेशनबाट गगनकुमार थापा पार्टी अध्यक्षमा निर्वाचित भएका छन्। मत गणना सकिएलगत्तै काठमाडौँस्थित राष्ट्रिय सभा हलमा राति नै अन्तिम परिणाम सार्वजनिक गरिएको हो। महाधिवेशनका लागि भएको मतदानपछि शुक्रबार रातिदेखि मत गणना थालिएको थियो।
महाधिवेशनको सञ्चार केन्द्रका सदस्य महेश गौतमका अनुसार नवनिर्वाचित अध्यक्ष थापाले ६ हजार ५८४ मत प्राप्त गरेका छन्। उनका निकटतम प्रतिस्पर्धी श्यामकृष्ण खड्गीको पक्षमा ३७५ मत परेको छ भने ५४ मत बदर भएको छ। निर्वाचन समितिका अनुसार कुल ७ हजार ३१७ महाधिवेशन प्रतिनिधिमध्ये ७ हजार ३९ जनाले मतदान प्रक्रियामा सहभागिता जनाएका थिए।
अन्य पदको मत गणना सानेपामा
अध्यक्ष पदको मत गणना राष्ट्रिय सभा हलमै भए पनि बाँकी पदका मतपेटिका भने सुरक्षित तवरले पार्टीको केन्द्रीय कार्यालय सानेपा पुर्याइएको छ।
पदाधिकारी तथा केन्द्रीय कार्यसमिति सदस्यका लागि खसेको मत सानेपास्थित कार्यालयमा गणना गर्ने तयारी अघि बढेको छ।
