अमेरिकाको मध्यावधि निर्वाचनमा ‘ब्लु वेभ’ को चर्चा चलिरहेका बेला टाइम म्यागेजिनले अर्थमन्त्री स्वर्णिम वाग्लेलाई जलवायुसम्बन्धी सय जनाको सूचीमा समेटेको विषयलाई लिएर नेकपा एमालेका नेता गोकुल बाँस्कोटाले कटाक्ष गरेका छन्। सामाजिक सञ्जालमार्फत उनले अर्थमन्त्री वाग्लेलाई त्यस्तो स्थान दिनुपर्ने काम नेपालीले नगरेको तर्क राखेका छन्।
बाँस्कोटाले अमेरिकी निर्वाचनको नतिजासँगै टाइम म्यागेजिनको सूची सार्वजनिक भएको भन्दै यसलाई जोडेर व्यंग्य गरेका छन्। उनको भनाइमा अर्थमन्त्री वाग्लेले त्यो स्थान पाउनुको पछाडि नेपालभित्रको कामभन्दा बाहिरी चर्चाको भूमिका छ।
‘अमेरिकामा मध्यावधि ब्लुवेभ आयो भन्नासाथ टाइमले वाग्लेलाई जलवायु सय बनाएछ। नेपालीले उनलाई बीस पनि दिनु पर्ने काम गरेको छैन,’ बाँस्कोटाले लेखेका छन्।
त्यसैगरी उनले नेपालमा फेरि कुनै विपत्ति आएको अवस्थामा टाइम म्यागेजिनले अर्थमन्त्री वाग्लेलाई पहिलो नम्बरमा राख्न सक्ने कुरा उल्लेख गर्दै थप कटाक्ष गरेका छन्। यस क्रममा उनले सञ्चारमाध्यमको भूमिकालाई पनि औंल्याएका छन्।
‘यहाँका मिडियाले पनि गरेकै छन्। अर्को डिजास्टर आयो भने एक नम्बर बनाउला,’ उनले लेखेका छन्।
२७ कार्तिक २०८३ शुक्रबार बिहान सार्वजनिक भएका यी टिप्पणीपछि अर्थमन्त्री वाग्लेको अन्तर्राष्ट्रिय सूचीमा परेको विषयले राजनीतिक वृत्तमा चर्चा पाएको छ।
