कोशी प्रदेशसभाको अर्को बैठक भदौ ३ गते कटहरीमा बस्ने भएको छ। प्रदेशसभा सचिवालयले जारी गरेको सूचनाअनुसार बैठक कटहरीस्थित सचिवालय परिसरको हलमा बस्नेछ।
स्थगित बैठकका लागि नयाँ मिति तय
असार २४ गते अर्को सूचना जारी नभएसम्म स्थगन गरिएको बैठक भदौ ३ गते बुधबार बस्न लागेको हो। कोशी प्रदेशसभाको नवौं अधिवेशनको २३औं बैठक सोही दिन कटहरीमा बस्ने सचिवालयको सूचनामा उल्लेख छ।
भवन आगलागीपछि सचिवालय कटहरीमा
गत वर्षको आन्दोलनका क्रममा विराटनगर देवकोटा चोकस्थित प्रदेशसभा भवनमा आगलागी भएपछि सो भवन प्रयोगयोग्य रहेन। त्यसपछि प्रदेशसभा सचिवालय मोरङको कटहरीस्थित तरकारी बजारमा सारिएको थियो। सचिवालय परिसरमा हल निर्माण नसकिँदासम्म बैठक विराटनगरको वीरेन्द्रसभा गृहमा अस्थायी रूपमा सञ्चालन हुँदै आएका थिए। अब भने कटहरीकै सचिवालय परिसरको हलमा बैठक बस्ने भएको छ।
