प्रतिनिधिसभा अन्तर्गतको अर्थ समितिको ३३औँ बैठक आगामी मंसिर ७ गते सोमबार बस्ने भएको छ। सिंहदरबारस्थित सङ्घीय संसद् सचिवालयमा बिहान ११ बजेदेखि सुरु हुने उक्त बैठकको कार्यसूचीमा अर्थसम्बन्धी विधेयकमाथिको छलफल राखिएको छ।
बैठकमा ‘अर्थ सम्बन्धी केही नेपाल कानुनलाई संशोधन र खारेज गर्ने विधेयक, २०८३’ माथि छलफल हुनेछ। समितिले उक्त विधेयकमाथि सैद्धान्तिक छलफल गर्ने कार्यसूची तय गरेको छ।
यस्तै, विधेयकमाथि संशोधन प्रस्ताव दर्ता गराउने सांसदहरूसँग पनि छलफल गर्ने कार्यसूची बैठकमा रहेको जनाइएको छ।







