काठमाडौं, अगस्ट १८ । सामसुङ नेपालले आफ्नो नयाँ फोल्डेबल स्मार्टफोन शृङ्खला — ग्यालेक्सी जेड फोल्ड८ अल्ट्रा, ग्यालेक्सी जेड फोल्ड८ र ग्यालेक्सी जेड फ्लिप८ — नेपाली बजारमा सार्वजनिक गरेको छ। कम्पनीले यी फोनसँगै ग्यालेक्सी वाच९ र ग्यालेक्सी वाच अल्ट्रा२ पनि बजारमा ल्याएको हो।
सामसुङका अनुसार आठौँ पुस्ताका यी फोल्डेबल डिभाइसमा ग्यालेक्सी एआईका विस्तारित क्षमता समावेश गरिएको छ। फोल्ड८ शृङ्खलाका ठूला डिस्प्लेले सामग्रीको समीक्षा, तुलना र निर्माणजस्ता कामका लागि थप कार्यक्षेत्र उपलब्ध गराउने कम्पनीले बताएको छ।
नयाँ स्वामित्व इकोसिस्टम
यस लन्चसँगै सामसुङले किफायती, पहुँच र दिगोपनमा केन्द्रित स्वामित्व इकोसिस्टमसमेत सुरु गरेको जनाएको छ। यसअन्तर्गत वित्तीय सुविधा, ट्रेड-इन, कनेक्टिभिटी र खुद्रा कार्यक्रमलाई एकै ठाउँमा ल्याइएको छ।
वित्तीय योजनाअनुसार ग्राहकले एचएफएलमार्फत ४० प्रतिशत डाउन पेमेन्टमा २४ महिनाको ईएमआई सुविधा पाउनेछन्। योग्य टप-ग्रेड ग्राहकका लागि २० प्रतिशत डाउन पेमेन्टमा ३६ महिनासम्मको किस्ता अवधि बढाउने योजना रहेको सामसुङले बताएको छ। ट्रेड-इनमा रु. १५,००० सम्मको बोनससमेत उपलब्ध हुनेछ।
कम्पनीका अनुसार एचएफएल, इ-सेवा, एनसेल, अपकुडो, आईएमएस र हिम इलेक्ट्रोनिक्ससँगको साझेदारीमा वित्त, कनेक्टिभिटी, ट्रेड-इन र ओम्निच्यानल सेवालाई एकीकृत गरिएको छ।
प्रि-अर्डर र प्याकेजहरू
नयाँ ग्यालेक्सी जेड शृङ्खलाको प्रि-अर्डर अगस्ट १३ देखि खुला गरिएको छ। कम्पनीले भीआईपी र नियमित गरी दुई प्रकारका प्रि-अर्डर प्याकेज ल्याएको छ।
भीआईपी प्याकेज: रु. ६८,००० सम्म मूल्यका सुविधा, जसमा दुई वर्षको एनसेल अनलिमिटेड डेटा तथा भ्वाइस, रु. १५,००० सम्मको एक्सचेन्ज बोनस, ग्यालेक्सी वाच९ वा वाच अल्ट्रा२ मा रु. १०,००० छुट, छ महिनाको गुगल एआई प्रो, फोन केस र विस्तारित वारेन्टी समावेश छन्।
नियमित प्याकेज: रु. ५८,००० सम्म मूल्यका सुविधा, जसमा दुई वर्षको एनसेल अनलिमिटेड डेटा तथा भ्वाइस, रु. १५,००० सम्मको एक्सचेन्ज बोनस, छ महिनाको गुगल एआई प्रो, फोन केस र विस्तारित वारेन्टी समावेश छन्।
दिगोपनमा जोड
सामसुङ नेपालका प्रबन्ध निर्देशक चाङ उक जुङले प्रिमियम डिभाइसको स्वामित्व यात्रालाई 'स्मार्ट' बनाउने र उपभोक्तालाई थप विकल्प तथा मूल्य दिने लक्ष्य रहेको बताए।
योग्य ट्रेड-इन डिभाइसहरूको निदान, ग्रेडिङ र प्रशोधन साझेदारहरूमार्फत गरिने कम्पनीले जनाएको छ। यसले डिभाइसको आयु बढाउन र इलेक्ट्रोनिक फोहोर घटाउन मद्दत पुग्ने उद्देश्य राखिएको छ।
