रसुवाको टिमुरेस्थित बोर्डर आउट पोस्ट (बीओपी) मा खटिएका ९ जना सशस्त्र प्रहरी बाढीपछि सम्पर्कविहीन भएका छन्।
सशस्त्र प्रहरीका सहप्रवक्ता तथा प्रहरी नायब उपरीक्षक (डीएसपी) शैलैन्द्र थापाका अनुसार उनीहरूसँग सम्पर्क गर्ने प्रयास भइरहेको छ तर अहिलेसम्म कुनै सुराक मिल्न सकेको छैन।
रसुवामा एक्कासि आएको बाढीले ठूलो क्षति पुर्याएको छ। उद्धारका लागि सुरक्षाकर्मी परिचालन भइसके पनि क्षतिको यकिन विवरण भने अझै प्राप्त हुन सकेको छैन।
सम्पर्कविहीन सशस्त्र प्रहरीको अवस्थाबारे थप जानकारी आउन बाँकी रहेको सहप्रवक्ताले बताएका छन्।
