नेपाली सेनाको रुद्रध्वज गणले गोरखाको शहीद लखन गाउँपालिका–३ सिलिङटारस्थित त्रिशूली नदी किनारमा फेला परेको विस्फोटक पदार्थ नष्ट गरेको छ। गणबाट खटिएको टोलीले उक्त विस्फोटक पदार्थ डिस्पोज गरेको हो।
बिहीबार दिउँसो करिब साढे २ बजे त्रिशूली नदीको किनारमा सो विस्फोटक पदार्थ देखिएको थियो। यसअघि नै डिस्पोज गर्ने प्रयास भए पनि सफल भएको थिएन।
रसुवाबाट आएको बाढीले उक्त विस्फोटक पदार्थ बगाएर ल्याएको हुनसक्ने रुद्रध्वज गणका गणपति विरोध रिजालले बताएका छन्।
