१३ भदौ, काठमाडौं । नेपाली कांग्रेसको संस्थापन इतर समूहले १५ औं केन्द्रीय महाधिवेशनको तयारीका लागि गठन गरेको समितिले भदौ १७ गते बैठक आह्वान गरेको छ।
पूर्वमहामन्त्री डा. शशांक कोइराला संयोजक रहेको उक्त समितिको बैठक यही १७ भदौ दिउँसो १ बजे चुनदेवीस्थित संस्थापन इतर समूहको सम्पर्क कार्यालयमा हुने बताइएको छ।
बैठकमा १५ औं महाधिवेशनको तयारी, समसामयिक विषय र विविध एजेन्डामा छलफल गर्ने तयारी छ। सचिवालय समन्वय समितिका संयोजक दीपकप्रसाद कुइकेलले बैठकका लागि तीनवटा एजेन्डा तय गरिएको जानकारी दिए।
बैठकमा सहभागी हुन १४ औं महाधिवेशनमा निर्वाचित केन्द्रीय कार्यसमितिका पदाधिकारी, सदस्य तथा आमन्त्रित सदस्यहरूलाई आमन्त्रण गरिएको उनले बताए।
