काठमाडौं । नेपाली कांग्रेसका पूर्वसभापति शेरबहादुर देउवा समूहले पार्टीको १५ औं महाधिवेशनका लागि मोरङ जिल्लाको संयोजकमा सुभाष पौडेललाई तोकेको छ ।
१५ औं महाधिवेशन तयारी समितिका संयोजक डा. शशांक कोइरालाले बुधबार नेता पौडेललाई जिल्ला संयोजकको जिम्मेवारी दिएको पौडेलको सचिवालयले जनाएको छ ।
पूर्वसभापति देउवा समूहलाई कांग्रेसको संस्थापन इतर समूहका रूपमा चिनिन्छ । महाधिवेशनको तयारीलाई जिल्ला तहसम्म पुर्याउने क्रममा मोरङको जिम्मेवारी पौडेललाई दिइएको हो ।
मङ्सिरमा केन्द्रीय महाधिवेशन
इतर समूहले आगामी मङ्सिर २१, २२ र २३ गते केन्द्रीय महाधिवेशन गर्ने भन्दै १५ असोजमा वडा अधिवेशनको तयारी गरिरहेको छ । सोही कार्यतालिका अनुसार जिल्ला तहका संयोजकहरूको जिम्मेवारी तोक्ने काम भइरहेको छ ।
