काठमाडौं । एनसेलले सामसङ नेपालसँग सहकार्य गर्दै आफ्ना ग्राहकलाई सामसङका घरायसी विद्युतीय उपकरण खरिदमा अतिरिक्त छुटको सुविधा दिने भएको छ। यसअनुसार टेलिभिजन, फ्रिज र वासिङ मेसिनलगायतका उपकरण किन्ने ग्राहकले थप छुट पाउनेछन्।
चाडपर्वका अवसरमा सामसङले उपलब्ध गराउँदै आएको छुटमाथि एनसेलका ग्राहकले थप १२ प्रतिशतसम्म छुट प्राप्त गर्न सक्नेछन्। यसले ग्राहकको कुल बचत ३१ प्रतिशतसम्म पुग्ने कम्पनीले जनाएको छ। थप हुने छुट ग्राहकले लिएको प्याक वा रेन्टल प्याकका आधारमा ५, ८ वा १२ प्रतिशत हुनेछ।
यो अफर असोज २२ गतेदेखि कात्तिक ३० गतेसम्म लागू हुनेछ। सो अवधिमा दसैँ, तिहार र छठलगायतका मुख्य चाडपर्व पर्छन्।
सहकार्यलाई एनसेलका प्रोडक्ट डाइरेक्टर ललित शारदा र सामसङ नेपालका प्रबन्ध निर्देशक चाङ उक जङको उपस्थितिमा औपचारिक रूप दिइएको हो। यो सहकार्यले ग्राहकलाई थप फाइदा पुर्याउने र सेवा अनुभव अझ राम्रो बनाउने विषयमा दुवै कम्पनीको साझा प्रतिबद्धता झल्काउँछ।
एपमार्फत् योग्यता जाँचेर सुविधा
ग्राहकले एनसेल एपको ‘पार्टनर्ड सर्भिसेज’ सेक्सनमा गई आफ्नो योग्यता जाँच्न सक्नेछन्। योग्यता पुगेका ग्राहकले नेपालभरका सहभागी सामसङका आधिकारिक बिक्री केन्द्रबाट यो सुविधा लिन सक्नेछन्।
“एनसेलमा हामीले सधैँ कनेक्टिभिटी सेवामा मात्र सीमित नभई ग्राहकलाई थप मूल्य र लाभ प्रदान गर्ने लक्ष्य राख्दै आएका छौँ। यसै प्रतिबद्धतालाई निरन्तरता दिँदै यस चाडपर्वको अवसरमा सामसङसँग सहकार्य गर्न पाउँदा हामी हर्षित छौँ। यस सहकार्यबाट हाम्रा ग्राहकले विश्वासिलो ब्रान्डका घरायसी विद्युतीय उपकरण खरिद गर्दा अतिरिक्त छुटको लाभ लिन सक्छन्।” — एनसेलका प्रोडक्ट डाइरेक्टर ललित शारदा
