यस वर्षको मनसुन बुधबारदेखि नेपालका सम्पूर्ण भूभागबाट बाहिरिएको मौसम पूर्वानुमान महाशाखाले जनाएको छ । असोज १७ गतेदेखि क्रमशः बाहिरिन थालेको मनसुनी वायु अब देशका कुनै पनि भागमा सक्रिय नरहेको महाशाखाको भनाइ छ ।
यस पटक मनसुन बाहिरिने क्रम सरदर समयभन्दा १२ दिन ढिलो भएको महाशाखाले जनाएको छ । मनसुन पूर्ण रूपमा बाहिरिसके पनि स्थानीय वायु तथा पश्चिमी वायुको प्रभाव भने यथावत् रहेको बताइएको छ ।
मनसुनी वायु नेपालबाट फिर्ता भएको यो जानकारी मौसम पूर्वानुमान महाशाखाले सार्वजनिक गरेको हो ।
