नेपाल प्रिमियर लिग (एनपीएल) को तेस्रो संस्करणमा अहिलेसम्म सकिएका चारवटै खेलमा प्लेयर अफ द म्याचको पुरस्कार नेपाली खेलाडीले हात पारेका छन्। प्रतियोगिताको सुरुवाती चरणमा नै नेपाली खेलाडीले व्यक्तिगत पुरस्कारमा वर्चस्व कायम गरेका हुन्।
यसक्रममा राष्ट्रिय टोलीका स्थापित खेलाडीले मात्र होइन, राष्ट्रिय टोलीबाट खेल्न बाँकी रहेका युनिश विक्रम सिंह ठकुरीले समेत प्लेयर अफ द म्याचको अवार्ड जितेका छन्। सुरुवाती खेलहरूमा देखिएको यो प्रदर्शनले घरेलु क्रिकेटमा नेपाली खेलाडीको क्षमता र प्रतिस्पर्धात्मक स्तरलाई उजागर गरेको छ।
घरेलु क्रिकेटका लागि सकारात्मक सङ्केत
प्रतियोगितामा विदेशी खेलाडीको पनि सहभागिता छ। त्यस्तो अवस्थामा नेपाली खेलाडीले नै उत्कृष्ट प्रदर्शन गर्दै पुरस्कार जित्नुलाई एनपीएलका लागि सकारात्मक पक्षका रूपमा हेरिएको छ।
आगामी खेलहरूमा पनि नेपाली खेलाडीले यही लय कायम राख्न सके घरेलु क्रिकेटको विकास र राष्ट्रिय टोलीका लागि खेलाडी तयार पार्ने प्रक्रियामा थप योगदान पुग्ने अपेक्षा गरिएको छ।
