फिनिक्स फायर डिपार्टमेन्टले जुलाई २९ मा एक हाइकरलाई मम्मी माउन्टेनबाट उद्धार गरेको छ। उक्त हाइकरले हाइकिङको क्रममा बिरामी महसुस गरेपछि आफू ओर्लन नसकेको बताएका थिए।
उद्धार गरिएका व्यक्ति अकादमी पुरस्कार विजेता एनिमेटर ग्लेन कीन रहेको १२ न्यूजले जनाएको छ। फिनिक्स फायर डिपार्टमेन्टका अनुसार, कीनलाई प्याराडाइज भ्यालीको ५७औं प्लेस र ग्लेन ड्राइभ नजिकबाट हेलिकप्टरको सहायताले तल झारिएको थियो। त्यसपछि उनलाई पर्खिरहेको एम्बुलेन्समा सारियो र स्वास्थ्य अवस्थाको मूल्याङ्कन गरियो।
फायर अधिकारीहरूका अनुसार, कीनले अस्पताल जान अस्वीकार गरे। सबै फायर फाइटरहरू सुरक्षित रूपमा माउन्टेनबाट तल झरेको पनि जनाइएको छ।
के हुन् ग्लेन कीन?
ग्लेन कीन डिज्नीका दीर्घकालीन एनिमेटर हुन्। उनले 'द लिटिल मरमेड', 'ब्युटी एन्ड द बिस्ट', 'अलादिन', 'पोकाहोन्टास', 'टार्जन' र 'द प्रिन्सेस एन्ड द फ्रग' जस्ता चर्चित चलचित्रहरूमा काम गरेका छन्। उनले कोबी ब्रायन्टसँग मिलेर बनाएको एनिमेटेड लघु चलचित्र 'डियर बास्केटबल' का लागि अकादमी पुरस्कार जितेका थिए।