गोलबजारको गोलीकाण्डका मृतक गणेश यादवको घरमा अझै पुगेनन् गृहमन्त्री, दिउँसोदेखि पर्खाइमा परिवार

सिरहाको गोलबजारमा बिहीबार गोली लागेर मृत्यु भएका १५ वर्षीय गणेश यादवको घरमा रातिको सवा ९ बजेसम्म पनि गृहमन्त्री सुधन गुरुङ पुगेका छैनन् । गृहमन्त्री सिरहा आएको खबर सामाजिक सञ्जालमा दिउँसो नै सार्वजनिक भएको थियो, तर उनी मृतकको घरमा नपुग्दा परिवार पर्खाइमै छ ।

औरही गाउँपालिका–२ तुलसियाहीस्थित मृतक गणेशको घरमा गृहमन्त्री आउने भन्दै दिउँसो २ बजे परिवारलाई जानकारी गराइएको थियो । त्यसयता मृतकका परिवार, आफन्त र छरछिमेकी पर्खेर बसिरहेका छन् ।

घर नजिक सुरक्षाकर्मी तैनाथ

मृतकको घर नजिक दिउँसोदेखि नै सुरक्षाकर्मी तैनाथ गरिएको छ । तैपनि गृहमन्त्री गुरुङ ढिलो रातिसम्म मृतकको घरमा पुग्न सकेका छैनन् ।

गृहमन्त्री गुरुङ सिरहा आएको खबर सामाजिक सञ्जालमा दिउँसो नै देखिए पनि उनी रातिसम्म मृतकको घरमा नपुगेको अवस्था हो ।