काठमाडौं–मुग्लिन सडक खण्ड शुक्रबार बिहानदेखि दुवैतर्फी सवारी आवागमनका लागि खुला गरिएको छ । धादिङको थाक्रे गाउँपालिका–६ स्थित आठ किलोमा खसेको पहिरो पन्छाएपछि बिहान ८ बजेदेखि सडक सुचारु भएको धादिङ प्रहरीले जनाएको छ ।
बिहीबारदेखि अवरुद्ध
अविरल वर्षाका कारण आठ किलो भन्ने स्थानमा बिहीबार बिहान पहिरो खसेको थियो । बिहीबार बिहान सवा २ बजेदेखि नै काठमाडौं–मुग्लिन सडक दुवैतर्फ अवरुद्ध बनेको धादिङ प्रहरीले बताएको छ ।
पहिरोले गर्दा केही समय सवारी साधन आवतजावत गर्न नपाए पनि अहिले सडक खुला भएसँगै आवागमन सहज भएको छ ।
चार उपकरणबाट पहिरो पन्छाइयो
पहिरो हटाउनका लागि चार वटा उपकरण प्रयोग गरिएको थियो । प्रहरीका अनुसार उपकरणले पहिरो पन्छाएपछि शुक्रबार बिहान ८ बजेदेखि सडक खण्ड दुईतर्फी सञ्चालनमा आएको हो ।
