काठमाडौं — टाटा मोटर्सको नेपालका लागि आधिकारिक वितरक सिप्रदी ट्रेडिङले टाटा कार्निभलको चौथो संस्करण बिहीबारदेखि सुरु गर्ने भएको छ। यस अभियानअन्तर्गत ग्राहकहरूले आफ्ना पुराना सवारी साधन साटेर नयाँ पन्च इभी र टियागो इभी खरिद गर्न सक्नेछन्।
कम्पनीका अनुसार यो चारदिने अभियान अगस्ट २० देखि २३ सम्म चल्नेछ। यस अवधिमा ग्राहकहरूले आफ्नो पुरानो सवारीलाई नयाँ टाटा सवारी खरिदका लागि डाउन पेमेन्टका रूपमा प्रयोग गर्न सक्नेछन्। टाटा सवारी बुकिङ गर्ने ग्राहकहरूले सवारी मूल्याङ्कन, आजीवन निःशुल्क डीसी फास्ट चार्जिङ, एक वर्षको सडक कर छुट, निःशुल्क सामान तथा निःशुल्क होम चार्जिङ स्थापनाजस्ता सुविधा पाउनेछन्।
पन्च इभी र टियागो इभीलाई हालै सम्पन्न नाइमा नेपाल मोबिलिटी एक्स्पो २०२६ मा सार्वजनिक गरिएको थियो। नयाँ पन्च इभीको मूल्य रु ३३ लाख ९९ हजारदेखि सुरु हुन्छ भने टियागो इभीको मूल्य रु २८ लाख ९९ हजारदेखि सुरु हुन्छ।
टाटाको एक्टि.इभी प्लेटफर्ममा आधारित पन्च इभीमा ३२ किलोवाट आवर र ४० किलोवाट आवरका ब्याट्री विकल्प उपलब्ध छन्। नेपाली सडकमा गरिएको परीक्षणका आधारमा कम्पनीले पूर्ण चार्जमा ३०० देखि ३२५ किलोमिटरसम्मको रेन्ज रहेको दाबी गरेको छ। यसमा १९५ मिलिमिटर ग्राउन्ड क्लियरेन्स, पाँच स्टार बीएनक्याप सेफ्टी रेटिङ, छ एयरब्याग, ३६० डिग्री क्यामेरा, १.५ सी डीसी फास्ट चार्जिङ, भ्वाइस-सक्रिय सनरुफ, २६.०३ सेन्टिमिटर हर्मन इन्फोटेनमेन्ट र डिजिटल ककपिट, भेन्टिलेटेड सिट तथा ३६६ लिटर बुट स्पेस रहेको छ।
यस्तै, नयाँ टियागो इभीमा परिमार्जित स्टाइलिङ, नयाँ रङ विकल्प, ३६० डिग्री एचडी क्यामेरा, २६.०३ सेन्टिमिटर इन्फोटेनमेन्ट सिस्टम र छ एयरब्याग लगायतका सुरक्षा सुविधा समावेश छन्।
