तिहार तथा छठ पर्वलाई केन्द्रित गर्दै अनलाइन बजार दराजले ११.११ सेल सुरु गरेको छ। नोभेम्बर ११ तारिखसम्म चल्ने यो अभियानमा ग्राहकले ८० प्रतिशतसम्म छुट पाउने कम्पनीले जनाएको छ।
सेल अवधिभर २ करोड रुपैयाँभन्दा बढी मूल्यका भाउचर पनि उपलब्ध गराइने दराजको भनाइ छ। साथै खरिद गरिएका सामानमा निःशुल्क डेलिभरीको सुविधा राखिएको छ भने अभियानमा सहभागी हुने ग्राहकले थाइल्यान्ड भ्रमण जित्ने अवसरसमेत पाउने कम्पनीले जानकारी दिएको छ।
चाडपर्व नजिकिँदै गर्दा उपभोक्ताको खरिद चाहना बढ्ने भएकाले यसलाई लक्षित गरी छुट, भाउचर र अन्य आकर्षणसहितको योजना ल्याइएको दराजको दाबी छ। अभियान नोभेम्बर ११ मा समाप्त हुने भएकाले इच्छुक ग्राहकले त्यसअघि नै खरिद गर्न सक्नेछन्।
