रसुवाको बाढी प्रभावित क्षेत्रहरूबाट हालसम्म १५७ जनाको शव फेला परेको नेपाल प्रहरीले जनाएको छ । भदौ १० गते राति ११:०५ बजेसम्मको प्रहरी बुलेटिनअनुसार सात जिल्लामा गरी उक्त सङ्ख्यामा शव भेटिएका हुन् ।
प्रहरीले उपलब्ध गराएको विवरणअनुसार सबैभन्दा धेरै धादिङमा ६४ जनाको शव फेला परेको छ । यसैगरी नवलपरासी पूर्वमा २२, गोरखामा १९, नुवाकोटमा १३, तनहुँमा ९ र रसुवामा ३ जनाको शव फेला परेको बुलेटिनमा उल्लेख छ ।
प्रहरीका अनुसार अहिलेसम्म २८ जना प्रहरी कर्मचारी सम्पर्कमा नआएका छन् । बाढी र विपत्तिका बीच उनीहरूको अवस्थाबारे खुलेको भने छैन ।
बाढीका कारण घाइते भएका ४१ जनाको विभिन्न अस्पतालमा उपचार भइरहेको प्रहरीले जानकारी दिएको छ । तीमध्ये २० जना त्रिवि शिक्षण अस्पताल महाराजगञ्ज काठमाडौं, चार जना ट्रमा सेन्टर, तीन जना वीर अस्पताल, एक जना वीरेन्द्र सैनिक अस्पताल छाउनी, तीन जना नर्भिक अस्पताल र नौ जना त्रिशूली अस्पतालमा उपचाररत छन् ।
