रसुवामा बाढीबाट प्रभावित नागरिकको राहतका लागि नेपाली कम्युनिष्ट पार्टीले प्रधानमन्त्री राहत कोषमा २५ लाख रुपैयाँ नगद जम्मा गर्ने भएको छ। पार्टीले बाढी प्रभावित क्षेत्रमा आवश्यक राहत सामग्री पनि पठाउने निर्णय गरेको छ।
पार्टीका प्रवक्ता प्रकाश ज्वालाले प्रभावित नागरिकलाई तत्काल राहत पुर्याउने उद्देश्यले नगद तथा आवश्यक सामग्री सहयोग गर्न लागिएको जानकारी दिए। प्राकृतिक विपद्बाट प्रभावित भएकाहरूको उद्धार, राहत र पुनःस्थापनामा पार्टीले आफ्नो तर्फबाट योगदान गर्ने निर्णय गरेको उनले बताए।
यस्तै, पार्टीले आवश्यक राहत सामग्री सम्बन्धित जिल्लामा पठाउने तयारी पनि गरेको छ। बाढी प्रभावित क्षेत्रमा राहत पुर्याउन पार्टीले अहिले नै नगद सहयोग गर्ने र सामग्री पनि पठाउने भएको हो।
