काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आज सर्वदलीय बैठक आह्वान गरेका छन् । पार्टी प्रवक्ता जगदीश खरेलका अनुसार बैठक बुधबार बिहान ११ बजे सिंहदरबारमा रहेको रास्वपा संसदीय दलको कार्यालयमा बस्नेछ ।
बैठकमा उच्चस्तरीय राजनीतिक संयन्त्र गठनको विषयमा छलफल हुने बताइएको छ । यसैगरी विपद् जोखिम न्यूनीकरण तथा व्यवस्थापनसम्बन्धी विषय पनि बैठकको एजेन्डामा समेटिने खरेलले जानकारी दिए ।
बैठकमा कुन-कुन दललाई सहभागिताका लागि बोलाइएको छ भन्नेलगायत अन्य विवरण भने खुलाइएको छैन ।
