ठगी, लिखत कीर्ते, नागरिक र संगठित अपराधको कसुरमा १५ वर्ष कैद तथा एक लाख २० हजार रुपैयाँ जरिवाना तोकिएका एक फरार व्यक्ति पक्राउ परेका छन् ।
पक्राउ पर्नेमा काभ्रेको पनौती नगरपालिका–४ का ४६ वर्षीय हरि भनिने पुण्डे प्रसाद काफ्ले रहेको अधिकारीहरूले जनाएका छन् । उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।
सुन्धारा कारागारबाट फरार
काफ्ले तोकिएको सजाय भुक्तान गर्दै आइरहेका बेला जेनजी आन्दोलनको क्रममा सुन्धारा कारागारबाट फरार भएका थिए । लामो समयदेखि फरार रहेका उनलाई पक्राउ गरी कारागार पठाइएको छ ।
