अर्घाखाँचीको भूमिकास्थान नगरपालिका–२ स्थित भूमेकाथानमा गएराति मोटरसाइकल दुर्घटना हुँदा एकै परिवारका बुबा र छोराको घटनास्थलमै ज्यान गएको छ। लु ६४ प ७४७१ नम्बरको मोटरसाइकल दुर्घटनामा परेको प्रहरीले जनाएको छ।
मृत्यु हुनेमा भूमिकास्थान–८ का अन्दाजी ६२ वर्षीय देवीराम आचार्य र उनका अन्दाजी २३ वर्षीय छोरा रहेको जिल्ला प्रहरी कार्यालयका प्रमुख प्रहरी नायब उपरीक्षक दिवस जिसीले जानकारी दिए। छोराको नाम भने प्रहरीले खुलाएको छैन।
दुर्घटनामा परी दुवै जनाको उपचारका लागि लगिनुअघि नै घटनास्थलमै मृत्यु भएको प्रहरीको भनाइ छ। घटनाको थप अनुसन्धान भइरहेको जिल्ला प्रहरी कार्यालयले जनाएको छ।
