मुख्य सामग्रीमा जानुहोस्

साइबर र डिजिटल वित्तीय ठगीको उजुरी गर्न १२४७ मा सम्पर्क गर्न राष्ट्र बैङ्कको आग्रह

साइबर तथा डिजिटल माध्यमबाट हुने वित्तीय ठगीका उजुरी तत्काल सम्बोधन गर्न नेपाल राष्ट्र बैङ्कले १२४७ नम्बरमा सम्पर्क गर्न आग्रह गरेको छ । प्रहरी प्रधान कार्यालय मातहतको साइबर ब्यूरोमा राखिएको उक्त केन्द्रले अनलाइन ठगी,…

विश्वपत्र संवाददाता

· १ मिनेटको पढाइ

२पटक हेरिएको०टिप्पणी०शेयर
स्रोत:Online Khabar
साइबर र डिजिटल वित्तीय ठगीको उजुरी गर्न १२४७ मा सम्पर्क गर्न राष्ट्र बैङ्कको आग्रह
Online Khabar

काठमाडौँ । साइबर तथा डिजिटल माध्यमबाट भएका वित्तीय ठगीका घटनाबारे उजुरी र गुनासो तुरुन्तै सम्बोधन गराउन नेपाल राष्ट्र बैङ्कले सर्वसाधारणलाई १२४७ नम्बरमा सम्पर्क गर्न आग्रह गरेको छ । यस्ता उजुरीलाई छिटो र प्रभावकारी ढङ्गले सम्बोधन गर्ने उद्देश्यले सो हटलाइन नम्बरको व्यवस्था गरिएको केन्द्रीय बैङ्कको भनाइ छ ।

राष्ट्र बैङ्कका अनुसार प्रहरी प्रधान कार्यालय मातहतको साइबर ब्यूरोमा एकीकृत साइबर स्क्याम प्रतिकार्य केन्द्र स्थापना गरिएको छ । विभिन्न सरोकारवाला निकायको सहभागितामा खोलिएको यो केन्द्र दिनरात नभनी चौबीसै घण्टा सञ्चालन हुने गरेको छ ।

कस्ता विषयमा उजुरी गर्न सकिन्छ ?

अनलाइन ठगी, फिसिङ, नक्कली लिङ्क, अनधिकृत कारोबार तथा डिजिटल भुक्तानीसम्बन्धी ठगीका घटनाबारे जानकारी दिन वा उजुरी दर्ता गराउन उक्त नम्बरमा सम्पर्क गर्न सकिने केन्द्रीय बैङ्कले जनाएको छ ।

यस्ता ठगीमा परेको खण्डमा ढिलाइ नगरी १२४७ मा जानकारी गराउन र केन्द्रबाट प्राप्त हुने निर्देशनका आधारमा आवश्यक प्रक्रिया अगाडि बढाउन पनि राष्ट्र बैङ्कले अनुरोध गरेको छ ।

साथै आफ्नो बैङ्क वा वित्तीय संस्था अथवा भुक्तानी सेवा प्रदायकलाई तत्काल खबर गरी बैङ्क खाता र डिजिटल वालेट सुरक्षित राख्न आवश्यक पहल गर्न पनि केन्द्रीय बैङ्कले आग्रह गरेको छ ।