प्रधानन्यायाधीश डा मनोजकुमार शर्मा भारतीय प्रधानन्यायाधीश सूर्य कान्तको मैत्रीपूर्ण निमन्त्रणामा सोमबार भारत प्रस्थान गरेका छन्। सर्वोच्च अदालतका प्रवक्ता अर्जुनप्रसाद कोइरालाले यो जानकारी दिएका हुन्।
भ्रमणको क्रममा प्रधानन्यायाधीश शर्माले भारतको सर्वोच्च अदालतको अवलोकन गर्नुको साथै दुईपक्षीय भेटवार्ता गर्ने कार्यक्रम तय छ। उनी साउन ११ गते स्वदेश फर्कने कार्यतालिका रहेको सर्वोच्च अदालतले जनाएको छ।
भ्रमण दल
प्रधानन्यायाधीश शर्माको भ्रमण दलमा उनकी धर्मपत्नी उमा शर्मा र सर्वोच्च अदालतका सह–रजिष्ट्रार अमित उप्रेती सहभागी छन्।
बिदाइ
प्रधानन्यायाधीश शर्माको बिदाइमा वरिष्ठतम् न्यायाधीश सपना प्रधान मल्लसहित सर्वोच्च अदालतका न्यायाधीशहरू उपस्थित थिए।
