नेपाल आयल निगमले पेट्रोलियम पदार्थको मूल्य बृद्धि गरेको छ। निगमले आज राति १२ बजेदेखि लागू हुने गरी पेट्रोल, डिजेल, मट्टितेल र आन्तरिक हवाई इन्धनको मूल्य बढाएको हो।
निगमका अनुसार पेट्रोलमा प्रतिलिटर तीन रूपैयाँ, डिजेल र मट्टितेलमा प्रतिलिटर पाँच रूपैयाँ तथा आन्तरिक हवाई इन्धनमा प्रतिलिटर २० रूपैयाँले मूल्यवृद्धि भएको छ।
कहाँ कति ?
मूल्य बढेपछि काठमाडौं, पोखरा र दिपायलमा पेट्रोल तथा डिजेलको मूल्य प्रतिलिटर दुई सय रूपैयाँ पुगेको छ। यस्तै, सुर्खेत र दाङमा प्रतिलिटर एक सय ९९ रूपैयाँ कायम भएको छ।
त्यस्तै, चारआली, विराटनगर, जकपुर, अमलेखगञ्ज, भलवारी, धनगढी र वीरगञ्जमा भने पेट्रोल र डिजेलको मूल्य प्रतिलिटर एक सय ९७ रूपैयाँ ५० पैसा पुगेको छ।
एलपी ग्यासको मूल्य यथावत्
पेट्रोलियम पदार्थको मूल्य बढाइए पनि एलपी ग्यासको मूल्य भने निगमले यथावत् राखेको छ।