सर्लाहीको पर्सा गाउँपालिका–६ स्थित सीमावर्ती क्षेत्रबाट स्रोत नखुलेको १३ लाख रुपैयाँ नगदसहित दुई जना पक्राउ परेका छन्। उनीहरूलाई सशस्त्र प्रहरी बल बिओपी संग्रामपुरबाट खटिएको गस्ती टोलीले मंगलबार दिउँसो चेकजाँचका क्रममा नियन्त्रणमा लिएको हो।
पक्राउ पर्नेमा पर्सा गाउँपालिका–६ का २३ वर्षीय असपाक साह र महोत्तरीको श्रीपुर नगरपालिका–४ का ४६ वर्षीय साजन मुखिया छन्।
नगद र मोबाइल बरामद
गस्ती टोलीले उनीहरूको साथबाट १३ लाख रुपैयाँ नगदसहित दुई थान मोबाइल बरामद गरेको छ। सशस्त्र प्रहरी उपरीक्षक (एसपी) अमरबहादुर खत्रीले यसबारे जानकारी दिएका छन्।
कारबाहीका लागि भन्सारमा बुझाइयो
पक्राउ परेका दुवै जनालाई बरामद रकमसहित आवश्यक कारबाहीका लागि जिल्ला भन्सार कार्यालय सर्लाहीमा बुझाइएको छ। रकमको स्रोतबारे थप अनुसन्धान भइरहेको प्रहरीले जनाएको छ।