प्रतिनिधि सभाको कार्यव्यवस्था परामर्श समितिको बैठक आज साउन २० गते बस्दै छ। बैठक सिंहदरबारमा दिउँसो १ बजे सुरु हुने तालिका छ।
राष्ट्रिय स्वतन्त्र पार्टी (रास्वपा) का प्रमुख सचेतक प्रकाशचन्द्र परियारले बैठकको समय र स्थान तय भएको जानकारी दिएका छन्। उनका अनुसार सिंहदरबारमा दिउँसो १ बजेदेखि बैठक सुरु हुनेछ।
बैठकमा प्रतिनिधि सभाको आगामी कार्यतालिका के हुने भन्ने विषयमा छलफल गरिने बताइएको छ।
यसैबीच प्रतिनिधि सभाको अर्को बैठक साउन २२ गतेका लागि तय गरिएको छ।