नेपाली बजारमा आइतबार सुनको मूल्य प्रतितोला रु ३ हजार ६ सयले वृद्धि भएको छ। नेपाल सुन तथा चाँदी व्यवसायी महासंघले सार्वजनिक गरेको दरअनुसार शुद्ध सुन आइतबार प्रतितोला रु ३ लाख ५ हजार २ सयमा किनबेच भइरहेको छ।
अघिल्लो कारोबार दिन शुक्रबार शुद्ध सुनको भाउ प्रतितोला रु ३ लाख १ हजार ६ सय रहेको थियो। यस हिसाबले सुनको भाउमा रु ३ हजार ६ सयको बृद्धि देखिएको हो।
चाँदीको मूल्यमा पनि वृद्धि
सुनको भाउसँगै चाँदीको मूल्य पनि बढेको छ। आइतबार चाँदी प्रतितोला रु ४ हजार ७ सय १० मा पुगेको छ, जुन शुक्रबारको तुलनामा रु ५० बढी हो।
शुक्रबार चाँदी प्रतितोला रु ४ हजार ६ सय ६० मा कारोबार भएको थियो।
महासंघको दर
नेपाल सुन तथा चाँदी व्यवसायी महासंघले आइतबारका लागि सार्वजनिक गरेको उक्त दरका आधारमा बजारमा सुनचाँदीको कारोबार भइरहेको छ।
