परराष्ट्रमन्त्री शिशिर खनालको नेतृत्वमा न्युयोर्क जाने नेपाली प्रतिनिधिमण्डलको भ्रमण मन्त्रिपरिषद्ले स्वीकृत गरेको छ। बुधबार बसेको मन्त्रिपरिषद् बैठकले संयुक्त राष्ट्र संघको ८१ औं महासभामा सहभागी हुन जाने टोलीलाई स्वीकृति दिने निर्णय गरेको हो।
सरकारका प्रवक्ता तथा शिक्षामन्त्री सस्मित पोखरेलले बैठकको निर्णय सार्वजनिक गर्दै सो कुराको जानकारी दिएका छन्। उनका अनुसार अमेरिकाको न्युयोर्कमा आयोजना हुने संयुक्त राष्ट्र संघको ८१ औं महासभामा सहभागी हुन परराष्ट्रमन्त्रीको नेतृत्वमा रहेको नेपाली टोलीलाई मन्त्रिपरिषद्ले स्वीकृति दिएको हो।
महासभामा नेपालका तर्फबाट परराष्ट्रमन्त्री खनाल सहभागी हुने भएका छन्। प्रतिनिधिमण्डलको यो भ्रमणका लागि मन्त्रिपरिषद्बाट औपचारिक निर्णय भएको प्रवक्ता पोखरेलले बताए।
