अमेरिकी राष्ट्रपति डोनाल्ड ट्रम्प, चीनका राष्ट्रपति सी जिनपिङ र रुसका राष्ट्रपति भ्लादिमिर पुटिन सम्मिलित त्रिपक्षीय वार्ता बिहीबार सुरु भएको छ। चिनियाँ सरकारी सञ्चारमाध्यमका अनुसार चीनको सेन्जेन सहरमा जारी ३३औँ एसिया–प्रशान्त आर्थिक सहयोग (एपेक) शिखर सम्मेलनकै अवसरमा यो बैठक भएको हो। तीन शक्ति राष्ट्रका शीर्ष नेताहरू एकैसाथ वार्तामा बस्नुलाई ऐतिहासिक भनिएको छ।
यसअघि तीनै नेताबीच छुट्टाछुट्टै द्विपक्षीय भेटवार्ता भएका थिए। ट्रम्प–सी, ट्रम्प–पुटिन र सी–पुटिनबीचको छुट्टाछुट्टै छलफलपछि त्रिपक्षीय वार्ता सुरु भएको हो।
त्रिपक्षीय बैठकमा आणविक हतियार नियन्त्रण, इरानसँग जारी द्वन्द्व, विश्व व्यापार तथा रुस–युक्रेन युद्धलगायत विषयमा छलफल हुने अपेक्षा गरिएको छ। यी विषयमा तीन देशका नेताहरूबीच के–कस्तो सहमति बन्छ, त्यसलाई अन्तर्राष्ट्रिय जगतले नजिकबाट हेरेको छ।
एपेक शिखर सम्मेलनका क्रममा भएका यी भेटवार्ताबारे थप विवरण सार्वजनिक भइसकेको छैन।







