नेपालको आन्तरिक बजारमा बिहीबार ठीक सुनको मूल्य प्रति तोला रु ९ हजार ३ सयले बढेको छ। नेपाल सुनचाँदी व्यवसायी महासंघका अनुसार बिहीबार ठीक सुन प्रति तोला रु ३ लाख १३ हजार ४ सयमा कारोबार भइरहेको छ।
बुधबार ठीक सुनको मूल्य प्रति तोला रु ३ लाख ४ हजार १ सय रहेको थियो। महासंघले दिएको जानकारीअनुसार बिहीबार मूल्य बढेपछि एकै दिनमा प्रति तोलामा रु ९ हजार ३ सयको वृद्धि भएको हो।
यस साता सुनको मूल्य प्रति तोला रु ११ हजार ८ सयले बढिसकेको छ। यस साताको कारोबारका लागि अझै एक दिन बाँकी छ।
त्यस्तै, चाँदीको मूल्यमा पनि बिहीबार वृद्धि भएको छ। चाँदी प्रति तोला रु २६० ले बढेर रु ४ हजार ८ सय ५५ मा पुगेको छ। बुधबार चाँदी प्रति तोला रु ४ हजार ५ सय ९५ मा कारोबार भएको थियो।
