घरेलु बजारमा आइतबार छदाम सुनको भाउ प्रतितोला रु २,८०० ले बढेको छ। नेपाल सुनचाँदी व्यवसायी महासंघले दिएको जानकारीअनुसार सुनको मूल्य आज प्रतितोला रु ३ लाख १९ हजार ५ सय कायम भएको छ।
शुक्रबारको तुलनामा यो मूल्य बढेको हो। अघिल्लो कारोबार दिन छदाम सुन प्रतितोला रु ३ लाख १६ हजार ७ सयमा खरिदबिक्री भएको थियो।
यसैबीच, चाँदीको मूल्य भने प्रतितोला रु १० ले घटेको छ। महासंघकाअनुसार आज चाँदी प्रतितोला रु ४,९७५ मा कारोबार भइरहेको छ। शुक्रबार भने चाँदीको भाउ रु ४,९८५ रहेको थियो।
