काठमाडौं, २५ अगस्ट । NAMMI ले आगामी NADA अटो सो २०२६ मा नयाँ NAMMI Box इलेक्ट्रिक गाडी सार्वजनिक गर्ने भएको छ। कम्पनीले नयाँ मोडलका सुविधा, विशेषता र मूल्य सोही अटो शोमा घोषणा गरिने जानकारी दिएको छ।
सन् २०२४ मा नेपालमा सार्वजनिक भएको NAMMI मोडल आफ्नो डिजाइन, रङ्ग विकल्प, ड्राइभिङ रेन्ज, फराकिलो केबिन र सुविधाका कारण लोकप्रिय बनेको कम्पनीको भनाइ छ। कम्पनीका अनुसार नेपालका सडकमा हाल दुई हजारभन्दा बढी NAMMI सवारी साधन गुडिरहेका छन्।
NAMMI Vigo E2 सार्वजनिक भएपछि नयाँ NAMMI Box ले नेपालमा ब्रान्डको इलेक्ट्रिक सवारी लाइनअपलाई थप विस्तार गर्ने अपेक्षा गरिएको छ।
