अर्थमन्त्री स्वर्णिम वाग्लेले राष्ट्रिय संकटको यस घडीमा सबै राजनीतिक दल एकजुट हुनुपर्ने बताएका छन्। उनले मुलुकको आर्थिक आवश्यकता पूरा गर्न कुनै कमी नहुने स्पष्ट पारेका छन्।
वाग्लेले अहिलेको संकट सामना गर्न सबै पक्षको साथ र सहकार्य आवश्यक रहेको धारणा राखेका छन्। यस्तो अवस्थामा राजनीतिक दलहरू एकजुट भएर अघि बढ्नुपर्ने उनको भनाइ छ।
यसैबीच, विश्व बैंकले करिब २५ अर्ब रुपैयाँ सहयोग गर्ने प्रतिबद्धता व्यक्त गरेको छ। कुराकानीको एक घण्टाभित्रै विश्व बैंकले उक्त रकम सहयोग गर्ने जनाएको हो।
बोटेकोशी बाढीपछि भइरहेको उद्धार प्रयासमा हाल २२ हेलिकोप्टर परिचालन भइरहेका छन्।
