शैक्षिक परामर्श व्यवसायी संयुक्त संघर्ष समितिले आजदेखि आन्दोलन थालेको छ। काठमाडौंको पुतलीसडक चोकमा उनीहरूले प्लेकार्ड बोकेर प्रदर्शन गरेका हुन्। प्रदर्शनकारीले ‘शैक्षिक परामर्श, भाषा शिक्षण तथा तयारी कक्षा (सञ्चालन तथा व्यवस्थापन) नियमावली, २०८३’ का त्रुटि सच्याउन माग गरेका छन्।
प्रदर्शनमा उनीहरूले 'शिक्षा सबैका लागि, सरोकारवालासँग छलफल गर- त्यसपछि निर्देशिका लागू गर', 'स्वदेशी वा विदेशी शिक्षा रोज्ने स्वतन्त्रता हाम्रो', 'नियमावलीका त्रुटि तत्काल सच्याइयोस्', 'धरौटी होइन, नियमन चाहियो' जस्ता नारा लेखिएका प्लेकार्ड प्रदर्शन गरेका थिए।
समितिले आन्दोलनबाट समाधान ननिस्किएमा सबै कन्सल्टेन्सी व्यवसायीले कार्यालयको चाबी जिल्ला प्रशासन कार्यालयमा बुझाएर अनिश्चितकालीन आन्दोलन गर्ने जनाएको छ।