मकवानपुरको हेटौंडा उपमहानगरपालिका–६ रोएनी कोलोनीस्थित कर्रा खोला नजिक पानी जमेको खाल्डोमा पौडी खेल्ने क्रममा एक किशोरको डुबेर मृत्यु भएको छ।
शनिबार दिउँसो करिब १:१० बजे साथीहरूसँग पौडी खेलिरहेका हेटौंडा–१७ निवासी केशव राईका १३/१४ वर्षीय छोरा युकेश राई डुबेका थिए। स्थानीय, नेपाल प्रहरी र सशस्त्र प्रहरीको संयुक्त टोलीले खोजी गरी उनलाई घटनास्थलबाट उद्धार गरेको थियो।
उद्धारपछि तुरुन्तै हेटौंडा अस्पताल लगिएको युकेशलाई दिउँसो २:२५ बजे चिकित्सकले मृत घोषणा गरेका हुन्। घटनास्थलको अवस्थाबारे प्रहरीले थप अनुसन्धान गरिरहेको छ।