साउन महिनाको आगमनसँगै काठमाडौँ उपत्यकाका चुरा–पोते पसलहरूमा ग्राहकको चहलपहल बढेको छ। हिन्दु धार्मिक मान्यताअनुसार साउन महिना भगवान् शिवलाई समर्पित मानिन्छ, जसले गर्दा यस अवधिभर भक्तजनहरू व्रत बस्ने, पूजा–आराधना गर्ने र धार्मिक क्रियाकलापमा सहभागी हुने गर्छन्।
यही अवसरमा महिलाहरूले हरियो रङका पोते, चुरा तथा वस्त्रलाई विशेष प्राथमिकता दिने चलन छ। विशेषगरी विवाहित महिलाहरूले हरियो पोते, रंगीचंगी चुरा र हातभरि मेहेन्दी लगाएर यो परम्परा निर्वाह गर्दै आएका छन्। यसले पसलहरूमा आकर्षण बढेको छ।
दीपक केसीले यस सम्बन्धी तस्बिर खिचेका हुन्। उनी कान्तिपुरका फोटोपत्रकार हुन्।
