प्यूठान — संविधानसभा २०६४ का सदस्य तथा यहाँका अग्रज कम्युनिष्ट नेता दीपक केसीको ८५ वर्षको उमेरमा आइतबार राति निधन भएको छ। वामपन्थी राजनीतिमा दशकौंदेखि सक्रिय केसी सामाजिक आन्दोलनमा पनि उत्तिकै संलग्न थिए। प्यूठानमा उनलाई अभिभावक व्यक्तित्वका रूपमा हेरिन्थ्यो।
स्वास्थ्य समस्या
पछिल्ला केही वर्षदेखि केसीको स्वास्थ्यमा समस्या देखिएको थियो। उनलाई मुटुरोग, निमोनियालगायतका समस्याले लामो समयदेखि सताइरहेको थियो।
अन्तिम संस्कार
पारिवारिक स्रोतका अनुसार सोमबार दिउँसो १२ बजे खरिबोटनजिकै झिमरुक खोलाको किनारमा केसीको अन्तिम संस्कार गरिनेछ।
