भदौ २, काठमाडौं । ललितपुरको चापागाउँ दोबाटोबाट जुवातास खेलिरहेको अवस्थामा पाँच जनालाई प्रहरीले पक्राउ गरेको छ। पक्राउ पर्नेमा सातदोबाटो बस्ने तथा ओखलढुंगाको सिद्धिचरण नगरपालिका–२ घर भएका ६० वर्षीय जयप्रकाश कार्कीसमेत पाँच जना रहेका छन्।
सातदोबाटो प्रहरी वृत्तको टोलीले उनीहरूलाई सोमबार राति नगद ६४ हजार ९ सय रुपैयाँसहित नियन्त्रणमा लिएको हो। उनीहरूको साथबाट सो रकम बरामद भएको छ।
पक्राउ परेकाहरूलाई प्रहरी हिरासतमा राखेर अनुसन्धान अघि बढाइएको छ। थप कारबाहीका लागि मंगलबार जिल्ला प्रशासन कार्यालयबाट म्याद थप्ने तयारी गरिएको छ।
