राष्ट्रिय प्रजातन्त्र पार्टी (राप्रपा) ले हालसम्म ४४ जिल्लाको जिल्ला अधिवेशन सम्पन्न गरिसकेको छ । भदौ मसान्तभित्र देशभरका जिल्ला अधिवेशन टुंग्याउने कार्यतालिका पार्टीले अघि सारेको छ ।
राप्रपा प्रवक्ता मोहन श्रेष्ठका अनुसार बाँकी रहेका जिल्लामध्ये अधिकांशको अधिवेशन भदौ मसान्तभित्रै सकिने गरी मिति तय भइसकेको छ । आज (भदौ २५ गते) कालीकोट, भोजपुर, बारा र दोलखामा अधिवेशन हुने क्रममा छ ।
जिल्ला अधिवेशनको चरण सकिएलगत्तै पार्टीले महाधिवेशनतर्फ तयारी अघि बढाउनेछ । राप्रपाले महाधिवेशन मंसिर २६ देखि २८ गतेसम्म गर्ने मिति तोकेको छ ।
अधिवेशन सम्पन्न भएका जिल्ला
राप्रपाले हालसम्म अधिवेशन सम्पन्न भएका जिल्लामध्ये सार्वजनिक गरेको नामावली यस्तो छ :
ताप्लेजुङ
संखुवासभा
तेह्रथुम
सोलुखुम्बु
ओखलढुंगा
सर्लाही
रामेछाप
सिन्धुपाल्चोक
काभ्रेपलान्चोक
भक्तपुर
मुस्ताङ
म्याग्दी
बाग्लुङ
स्याङ्जा
नवलपरासी
बर्दिया
कपिलवस्तु
रुपन्देही
रुकुम पश्चिम
पार्टीले ४४ जिल्लाको अधिवेशन सकिएको जनाए पनि सार्वजनिक नामावलीमा भने १९ जिल्लाको मात्रै उल्लेख छ । बाँकी जिल्लाको अधिवेशन भदौ मसान्तसम्मै सम्पन्न गर्ने लक्ष्यसहित पार्टीले कार्यक्रम अघि बढाएको छ ।
